Forsíða
Tjaldsvæðið
Um okkur
Áhugaverðir staðir
Afþreying
Myndir
Umhverfisstefna
Umgengnisreglur

 

Verðskrá:

Kr. 1300,- fyrir manninn, pr./nótt.
Kr. 1100,- fyrir eldri borgara, pr./nótt.
Frítt fyrir börn undir 16 ára aldri

Rafmagn kr. 700,- pr./sólarhring.

Nánari upplýsingar :

Tjaldsvæðið Systragil
Hróarsstöðum - 601 Akureyri
Netfang: systragil@simnet.is
Sími 8602213



Systragil.is


 

 

 

Afþreying

Golf

Lundsvöllur í Fnjóskadal er 3 km frá Tjaldsvæðinu Systragili, í landi Lundar mitt á milli
Vaglaskógar og Lundsskógar. Hann er 9 holu golfvöllur, par 34.Við völlinn er klúbbhús með
kaffi og veitingasölu.

Verslun

Verslunin Vaglaskógi: Lítil verslun er rekin í Vaglaskógi yfir sumartímann í um 100 m frá
Tjaldsvæðinu Systragili hinum megin við brúna. Þar eru seldar helstu nauðsynjavörur, ís o.fl.
Þar er einnig sorpgámur.

Illugastaðir: Lítil verslun er rekin á sumrin í orlofsbyggðinni á Illugastöðum, Suður
Fnjóskadal. Þar fást helstu nauðsynjavörur.

Handverk: Handverkskonur milli heiða eru með glæsilega verslun, hjá Goðafossveitingum
við Goðafoss.

Sundlaugar

Sundlaugin Stórutjörnum: Sundlaug og heitur pottur er á Stórutjörnum í
Ljósavatnsskarði.

Sundlaugin Illugastöðum: Sundlaug er á Illugastöðum í Fnjóskadal. Einnig er minigolf á
staðnum og er það opið á sama tíma og sundlaugin.Þar eru 2 heitir pottar og rennibraut.

Sundlaugin á Laugum: Nýleg sundlaug er við íþróttahúsið á Laugum. Laugin er 25 metra
löng og þar eru 2 heitir pottar. Sundlaugin er opinn almenningi allt sumarið.

Veiði

Fnjóská: Laxveiði er nokkur í ánni, en afar sveiflukennd. Góð bleikjuveiði er samhliða
laxveiðinni. Stangveiðifélagið Flúðir, á Akureyri, hefur haft ána á leigu og selur veiðileyfi.
Sjá nánar á www.fludir.svak.is,

Dalsá: Dalsá er dragá og á upptök sín á Flateyjardalsheiði og fellur norður Flateyjardal í
Skjálfanda. Þó nokkur silungsveiði er í ánni. Veiðileyfi í Dalsá eru seld í Merki, Fnjóskadal.

Níphólstjörn: Er fyrir ofan bæinn Stórutjarnir í Ljósavatnsskarði. Þangað er u.þ.b. 20 mín
gangur frá bænum. Ágætisveiði er í vatninu, en þar veiðist nær eingöngu urriði.Veiðileyfi í
Níphólstjörn eru seld á Stórutjörnum.

Ljósavatn: Stórt stöðuvatn í mynni Ljósavatnsskarðs austan megin. Ágæt veiði er í vatninu,
mest af bleikju, en fiskurinn frekar smár. Veiðileyfi eru seld á bæjunum í kringum vatnið sem
og á Hótel Eddu, Stórutjarnaskóla, á sumrin.

Gönguleiðir

Allar gönguleiðir nefndar hér eru í göngufæri frá tjaldsvæðinu.

Systragil – Vaglaskógur – Gamla brúin: Tilvalið er að ganga yfir brúna á móts við
tjaldsvæðið, beygja þar norður Vaglaskóg, (veg nr. 836), þar til komið er að gömlu
bogabrúnni. Gengið er yfir bogabrúna og upp á melinn vestanmegin í dalnum, upp að
þjóðvegi (nr. 833) og þá beygt suður dal, framhjá Hróarsstöðum, þar til komið er í Systragil.
Um einnar klst. gangur.

Vaglaskógur: Frá tjaldsvæðinu Systragili er gengið yfir brúna en við búðina eru merktar
gönguleiðir um skóginn, mislangar. Í skóginum er skemmtilegt trjásafn með fjölda tegunda
og margir áhugaverðir skoðunarstaðir.

Þingmannaleið –Eyrarland, Merkt gönguleið, gengið upp frá Systragili eftir Systrahrygg,
milli Systravarðanna, inn yfir heiði og niður að bænum Eyrarlandi, Eyjafjarðarmegin. Þar
sem leiðin liggur yfir Systragilsdragið er mikið mannvirki úr hellum og grjóti í veginum ,
hleðsla, meir en meðalmannhæð, vel og haganlega hlaðið. Þaðan er haldið áfram eftir stikum
niður í Eyrarland. Eyjafjarðarmegin eða snúið við til baka í Systragil. Stikuð leið. 10 km
leið,um 4 klst. gangur.

Þingmannaleið – menntaskólavarða Gengið sömu leið og nefnd er á undan en stuttu eftir
hleðsluna er beygt til hægri stikaða leið. Þá er fyrst komið að menntaskólavörðunni en þar er
útsýni mjög gott yfir Eyjafjörð og Akureyri. Þaðan er haldið áfram norður, þar til komið er að
Geldingsárskarðsleið er liggur niður sunnan við Skóga. Þá er beygt aftur til hægri og gengið
niður í mót, þar til komið er að þjóðvegi nr.833. Gengið suður dal í Systragil.

Hálshnjúkur: 627 m hár. Farið er upp úr Vaglaskógi, hjá Efri-Vöglum. Stikuð leið. Þaðan er
stórkostlegt útsýni. Auðveld ganga, um 2 klst. fram og til baka.